ရာသီ အမှားတွေကြား
ဖျားနာခြင်းဟာ နာတာရှည်တယ်။
မိဝေး ဖဝေး သားသမီးတွေရဲ့
ပကတိ နှောင်းပ်ိုင်းကာလမှာ
ကိုယ့်ဆေး ကိုယ်...ထည့်
ကိုယ့်ချွေးကိုယ်သုတ်ရင်းပါပဲ ။
အနာမကျက်သေးခင်
အစာငတ်ခဲ့တဲ့ နေ့ရက်တွေလဲရှိခဲ့တယ်
အဲဒီအခါ...
အမေကျိုပေးခဲ့တဲ့ ဆန်ပြုပ်အိုးလေးကို
သိပ်လွမ်းတယ် အမေ ။
အခုတော့လည်း
သား ......ဖျားနာလွန်းလို့
အပူမကျတဲ့အခါ...
ပြာတိပျာယာ ....အမေ့မှာလေ
တယုတယ ပွတ်သပ်ပေးတတ်တဲ့
အမေ့ရဲ့လက်ကလေးကိုပြန်လွမ်းရင်း
အားတင်းထားရတာပ ။
သဘာဝကျကျ...
သဘောကျကျ...
လောက နဲ့ အဆင်ပြေသွားအောင်
သား....
ဝေဒနာကို ဝေဒနာလို့မယူဆပါဘူး
ပတ်ဝန်းကျင်အပူမပေးချင်လို့
အားလုံးကို ပြုံးပြရင်း....
အားတင်းထားဆဲပါ အမေ ။
သားလဲ....
အသက်ရှင်နေဦးမယ်ဆိုရင်ပေါ့
အမေ့ရင်ခွင်ကြားမှာ...
တစ်ည လောက် မှေးစက်အိပ်ဦးမယ် အမေရဲ့ ။
နွေမင်း..။
0 comments:
Post a Comment